Treoirlíne maidir le Dearbhú Comhtháite Feirme (IFA) maidir le Dobharshaothrú

Is branda de réitigh chliste dearbhaithe feirme é GLOBALG.A.P. a d’fhorbair FoodPLUS GmbH in Köln na Gearmáine, le comhar ó tháirgeoirí, ó mhiondíoltóirí agus ó pháirtithe leasmhara eile ó gach cearn den tionscal bia. Áirítear ar na réitigh sin raon caighdeán le haghaidh cleachtais feirmeoireachta atá sábháilte, freagrach ó thaobh na sochaí agus an chomhshaoil de. Tá caighdeáin GLOBALG.A.P. maidir le dobharshaothrú i bhfeidhm le beagnach 20 bliain anuas agus forbraíodh iad trí chomhoibriú forleathan le páirtithe leasmhara ar fud an tionscail. Is é an caighdeán GLOBALG.A.P. is mó a úsáidtear ná Dearbhú Comhtháite Feirme (IFA), is infheidhme maidir le torthaí agus glasraí, dobharshaothrú, bláthadóireacht, beostoc, agus tuilleadh nach iad. Is caighdeán domhanda é le haghaidh cleachtais feirmeoireachta fhreagracha lena gcumhdaítear an slabhra táirgthe ina iomláine, ó stoc goir, síológa agus beatha chumaisc go tógáil, baint agus iompar. Is é IFA um Dhobharshaothrú an t-aon chaighdeán deimhniúcháin dobharshaothraithe ar leibhéal na feirme a aithníonn GFSI agus an t-aon chaighdeán deimhniúcháin dobharshaothraithe a aithníonn GSSI le haghaidh gach speicis éisc eite, crústach, moileasc agus algaí.
Forbraíodh treoirlíne IFA maidir le Dobharshaothrú chun cuidiú leis an gcaighdeán/na caighdeáin a chur chun feidhme agus feidhmíonn sí mar mholadh.