Mikroalgi sostenibbli bħala materja prima għal applikazzjonijiet innovattivi b’valur miżjud

F’konformità mal-objettivi tal-Istrateġija dwar il-Bijoekonomija u l-Pjan ta’ Azzjoni ta’ Tniġġis Żero, il-proposti ta’ suċċess se jiffaċilitaw l-użu ta’ sistemi industrijali bbażati fuq materja prima sostenibbli b’bażi bijoloġika. Dawn is-sistemi se jikkontribwixxu wkoll għal strateġija ġdida tal-UE għal implimentazzjoni ta’ Ekonomija Blu Sostenibbli u jindirizzaw il-Komunikazzjoni tal-KE Lejn Settur tal-Algi tal-UE b’Saħħtu u Sostenibbli, billi juru prestazzjonijiet ambjentali mtejba, effiċjenza massima fir-riżorsi u fl-enerġija, u użu kaskata ottimali ta’ materja prima b’bażi bijoloġika, bl-għan ta’ operazzjonijiet ta’ “skart żero” u ta’ “tniġġis żero”.