Proġetti Integrati Strateġiċi — Azzjoni Klimatika LIFE-2023-STRAT-CLIMA-SIP-f’żewġ stadji

L-objettiv ta’ din is-sejħa huwa li tappoġġa l-implimentazzjoni sħiħa tal-istrateġiji u l-pjanijiet li ġejjin:
—Pjanijiet Nazzjonali għall-Enerġija u l-Klima (NECP, Regolament dwar il-governanza tal-unjoni tal-enerġija u l-azzjoni klimatika (UE) 2018/1999).
—Pjanijiet ta’ Azzjoni Nazzjonali għall-Effiċjenza Enerġetika (NEEAP).
—Strateġiji jew pjanijiet ta’ azzjoni nazzjonali jew reġjonali ta’ adattament.
Pjanijiet ta’ azzjoni urbani jew ibbażati fil-komunità li huma pijunieri fit-tranżizzjoni lejn soċjetà b’livell baxx ta’ emissjonijiet ta’ karbonju u/jew reżiljenti għat-tibdil fil-klima.
—Strateġiji nazzjonali, reġjonali jew industrijali/speċifiċi għas-settur tal-mitigazzjoni tal-gassijiet serra jew pjanijiet direzzjonali għal ekonomija b’livell baxx ta’ emissjonijiet tal-karbonju li jikkontribwixxu għan-newtralità klimatika.