Komunitajiet kostali reżiljenti: gwida għall-FLAGs

Il-pandemija globali tal-COVID-19 li bdiet fl-2020 bla dubju kellha impatt kbir fuq il-komunitajiet tas-sajd u tal-akkwakultura. Hemm sfidi oħra inqas drammatiċi li jistgħu joħolqu wkoll diffikultajiet reali għal dawn il-komunitajiet, bħad-depopolazzjoni, it-tibdil fil-klima, il-fluttwazzjonijiet ekonomiċi u aktar. Jeħtieġ li l-komunitajiet lokali jitħejjew, ikunu flessibbli u jippjanaw għall-futur — jeħtieġ li jkunu reżiljenti. Din il-Gwida għandha l-għan li toffri ideat u ispirazzjoni tal-FLAGs biex tgħin lill-oqsma tagħhom isiru aktar reżiljenti, soċjalment, ambjentalment u ekonomikament, filwaqt li tagħmel użu strateġiku mit-teknoloġija u l-opportunitajiet tad-diġitalizzazzjoni għal proċessi aħjar ta’ komunikazzjoni u governanza.