Ir-Regolament (UE) Nru 1379/2013 dwar l-organizzazzjoni komuni tas-swieq fil-prodotti tas-sajd u tal-akkwakultura

L-organizzazzjoni Komuni tas-Suq (COM) tistabbilixxi l-miżuri relatati mas-swieq għall-prodotti tas-sajd u tal-akkwakultura. Hija parti integrali mill-PKS u tikkontribwixxi għall-kisba tal-objettivi tagħha. Ir-Regolament ikopri ħames oqsma ewlenin: (I) l-organizzazzjoni tas-settur, li hija relatata mal-istabbiliment ta’ organizzazzjonijiet tal-produtturi tas-sajd u tal-akkwakultura; (II) standards tal-kummerċjalizzazzjoni, biex jgħinu fl-iżgurar ta’ suq intern trasparenti li jforni prodotti ta’ kwalità għolja; (III) informazzjoni għall-konsumatur, biex tgħin lill-konsumaturi jagħmlu għażliet infurmati ta’ xiri; (IV) ir-regoli tal-kompetizzjoni, biex jiġi żgurat suq ġust; u (v) l-intelliġenza tas-suq, biex tikkontribwixxi għat-trasparenza tas-suq u tipprovdi intelliġenza tas-suq lill-atturi kollha fis-settur kollu.