Komunikazzjoni mill-Kummissjoni: Dwar l-Istrateġija tal-UE għall-Bijodiversità għall-2030: Inreġġgħu n-natura lura f’ħajjitna

Din l-istrateġija għandha l-għan li tiżgura li l-bijodiversità tal-Ewropa tkun fit-triq lejn l-irkupru sal-2030 għall-benefiċċju tan-nies, tal-pjaneta, tal-klima u tal-ekonomija, f’konformità mal-Aġenda 2030 għall-Iżvilupp Sostenibbli u mal-objettivi tal-Ftehim ta’ Pariġi dwar it-Tibdil fil-Klima. Din tindirizza l-ħames fatturi ewlenin tat-telf tal-bijodiversità, tistabbilixxi qafas ta’ governanza msaħħaħ biex jixxejnu l-lakuni li fadal, tiżgura l-implimentazzjoni sħiħa tal-leġiżlazzjoni tal-UE, u tgħaqqad flimkien l-isforzi eżistenti kollha. Hija wkoll intraprenditorija u inċentivar fl-ispirtu u fl-azzjoni.