PLASMAR — L-issettjar tal-Bażi għall-Ippjanar tal-Ispazju Marittimu Sostenibbli fil-Makaroneżja

Deskrizzjoni fil-qosor tal-proġett: Il-proġett PLASMAR kien proġett ta’ tliet snin iffinanzjat mill-Fond Ewropew għall-Iżvilupp Reġjonali permezz tal-Programm Operazzjonali ta’ Kooperazzjoni Territorjali Madeira-Azores-Canary Islands (POMAC 2014–2020), immirat lejn l-iżvilupp ta’ soluzzjonijiet intelliġenti għas-sinkronizzazzjoni tal-iżvilupp tas-setturi marittimi mal-konservazzjoni marittima fl-Azores, f’Madeira u fil-Gżejjer Kanarji.

Riżultati tanġibbli:  Tfasslu għodod, metodoloġiji u proċessi biex jiġi żgurat l-iżvilupp sostenibbli ta’ dawn is-setturi marittimi. Inġabru data u informazzjoni xjentifika, u ġew żviluppati metodi għall-monitoraġġ tal-impatt li s-setturi tal-baħar għandhom fuq l-ambjent. Il-metodi ta’ monitoraġġ ġew adattati għall-kundizzjonijiet Makaroneżjani biex jiġi ddeterminat l-istat tal-ambjent tal-baħar u l-pressjonijiet li jirriżultaw mill-attivitajiet marittimi u l-effetti tagħhom. Instabu soluzzjonijiet biex jiġu ppreservati l-oċeani tal-Makaroneżja. Barra minn hekk, ġiet żviluppata applikazzjoni web imsejħa INDIMAR, li tappoġġa l-analiżi u t-teħid ta’ deċiżjonijiet.

Applikazzjoni/rilevanza: Il-proġett PLASMAR kellu l-għan li jiddefinixxi u jipproponi metodoloġiji xjentifiċi robusti biex jappoġġa l-Ippjanar Spazjali Marittimu (MSP) u t-Tkabbir Blu fit-tliet arċipelagi inklużi fir-Reġjun Makaroneżjan. Setturi ewlenin involuti: l-akkwakultura, is-sajd, it-trasport marittimu, l-enerġija mir-riħ lil hinn mill-kosta, l-estrazzjoni tal-minerali, u t-turiżmu marittimu.