Il-futur tas-settur tal-algi tal-UE

Dan l-istudju jeżamina l-Inizjattiva tal-UE dwar l-Algi tal-Kummissjoni Ewropea u jagħti ħarsa ġenerali lejn is-settur Ewropew tal-algi f’termini ta’ produzzjoni, applikazzjonijiet, opportunitajiet u ostakli. It-23 azzjoni mmirata proposti mill-Kummissjoni ġew stabbiliti bl-għan li jiġi sfruttat il-potenzjal vast tal-algi għall-Bijoekonomija Blu tal-UE, filwaqt li jiġu indirizzati l-isfidi ewlenin, bħas-sigurtà tal-ikel u l-mitigazzjoni tat-tibdil fil-klima. Biex is-settur jiżviluppa b’suċċess, se jkun meħtieġ li jingħeleb sett ta’ ostakli. Dan jeħtieġ sforz kollettiv minn dawk li jfasslu l-politika, fil-livell tal-Istati Membri u tal-UE, kif ukoll mill-partijiet ikkonċernati tal-industrija, il-komunità xjentifika, l-amministrazzjoni u oħrajn.