OCEANETS

Tuairisc ghairid ar an tionscadal: Tionscadal dhá bhliain a bhí in OCEANETS a mhaoinigh CEMI, a raibh sé mar aidhm leis trealamh iascaireachta tréigthe a chosc, a aisghabháil agus a athchúrsáil, agus é mar chuspóir aige a léiriú go mbeadh samhail geilleagair chiorclaigh ann chun na hábhair chasta dramhaíola sin a bhainistiú.

Torthaí nithiúla: I measc phríomhthorthaí an tionscadail bhí uirlis TFC ar líne agus inardaithe a fhorbairt chun faisnéis gheoshuite a chlárú agus a mhalartú maidir le caillteanas trealaimh iascaireachta a d’fhéadfadh a bheith ann (arna dtástáil ag 10 scipéir). Ina theannta sin, rannchuidigh an tionscadal le 7 dtona de threalamh iascaireachta a bhaint le haghaidh comhshaol muirí níos glaine, agus le 50 méadar líneach de shnáithín teicstíle ardcháilíochta (> 90 % de theicstílí athchúrsáilte a fháil ó threalamh iascaireachta). Tá gníomhaíochtaí feasachta poiblí déanta ag an tionscadal freisin. 

Feidhm/ábharthacht: Tá tionscadal OCEANETS an-ábhartha do thionscal an dobharshaothraithe san Aontas toisc go gcuireann sé cuir chuige theicneolaíocha ar fáil maidir le réitigh an gheilleagair chiorclaigh i dtéarmaí trealamh iascaireachta a chosc, a athshlánú, a athúsáid agus a athchúrsáil chun táirgí breisluacha a fháil i dtionscal na dteicstílí. Ní hamháin go dtacaíonn sé sin le cleachtais inbhuanaithe, ach tá sé ag teacht freisin le tiomantas an Aontais do dhobharshaothrú atá freagrach ó thaobh an chomhshaoil de.