Konferenza tan-NU dwar l-Oċeani tal-2025

It-tema ġenerali tal-edizzjoni ta’ din is-sena hija “L-aċċellerazzjoni tal-azzjoni u l-mobilizzazzjoni tal-atturi kollha għall-konservazzjoni u l-użu sostenibbli tal-oċean”. Il-Konferenza għalhekk għandha l-għan li tixpruna l-azzjoni għall-konservazzjoni u l-użu sostenibbli tal-oċeani, l-ibħra u r-riżorsi tal-baħar għall-iżvilupp sostenibbli u tidentifika mezzi ulterjuri ta’ implimentazzjoni tal-Għan ta’ Żvilupp Sostenibbli 14 “Il-konservazzjoni u l-użu sostenibbli tal-oċeani, l-ibħra u r-riżorsi tal-baħar għall-iżvilupp sostenibbli”. Il-Konferenza se tinkludi 10 Panel ta’ Azzjoni dwar l-Oċeani, li se jkunu kollaborattivi u ta’ diversi partijiet ikkonċernati fin-natura tagħhom, li jindirizzaw firxa wiesgħa ta’ suġġetti li jkopru diversi setturi, inkluża l-akkwakultura.