Comhdháil 2025 na Náisiún Aontaithe maidir leis na hAigéin

Is é téama uileghabhálach eagrán na bliana seo ‘Dlús a chur le gníomhaíocht agus na gníomhaithe uile a shlógadh chun an t-aigéan a chaomhnú agus a úsáid ar bhealach inbhuanaithe’. Dá bhrí sin, is é is aidhm don chomhdháil gníomhaíocht a spreagadh chun na haigéin, na farraigí agus na hacmhainní muirí a chaomhnú agus a úsáid ar bhealach inbhuanaithe ar mhaithe le forbairt inbhuanaithe agus modhanna breise a shainaithint chun Sprioc Forbartha Inbhuanaithe 14 ‘Na haigéin, na farraigí agus acmhainní muirí a chaomhnú agus a úsáid ar bhealach inbhuanaithe ar mhaithe leis an bhforbairt inbhuanaithe’ a chur chun feidhme. Is éard a bheidh sa chomhdháil 10 bPainéal Gníomhaíochta maidir leis na hAigéin, a bheidh comhoibríoch agus il-gheallsealbhóra, lena dtabharfar aghaidh ar raon leathan ábhar a chuimsíonn earnálacha éagsúla, lena n-áirítear an dobharshaothrú.