Karrieri blu għal ekonomija blu sostenibbli (EMFAF-2023-BlueCareers)

L-għan ġenerali ta’ din is-Sejħa huwa li tikkontribwixxi għall-iżvilupp tal-ġenerazzjoni li jmiss ta’ ħiliet blu u li tipprovdi opportunitajiet għal karrieri marittimi attraenti u sostenibbli. L-objettiv huwa li jiġu żviluppati s-settijiet ta’ ħiliet meħtieġa biex jiġu appoġġati l-inizjattivi tal-Patt Ekoloġiku Ewropew li jippromwovu ekonomija blu sostenibbli, eż. l-Istrateġija mill-Għalqa sal-Platt, l-Istrateġija għal Ekonomija Blu Sostenibbli, l-Istrateġija tal-UE għall-Enerġija Rinnovabbli Offshore, l-Istrateġija għall-Bijodiversità u l-Pjan ta’ Azzjoni għal Ekonomija Ċirkolari (CEAP).
B’mod aktar speċifiku, din is-Sejħa għandha l-għan li tappoġġa proġetti ta’ kooperazzjoni innovattivi, li jlaqqgħu flimkien l-industrija tal-ekonomija blu u l-istituzzjonijiet edukattivi/akkademiċi tal-baħar u marittimi rilevanti u/jew il-fornituri tat-taħriġ vokazzjonali fil-livelli kollha (lokali, reġjonali, nazzjonali, transnazzjonali) u partijiet ikkonċernati oħra biex jippromwovu:

• Ħiliet blu ekoloġiċi u diġitali, professjonijiet u karrieri, kif ukoll l-akkwist ta’ ħiliet u kompetenzi trasversali u inter/multidixxiplinari biex tingħata spinta ulterjuri lid-diġitalizzazzjoni u l-ekoloġizzazzjoni tal-impjiegi, anke billi jiġi promoss l-użu ta’ oqfsa ta’ kompetenzi, bħal GreenComp u DigComp.
• Skemi ta’ taħriġ mill-ġdid u ta’ titjib tal-ħiliet u kooperazzjoni bejn l-edukazzjoni u l-industrija biex jappoġġaw lill-forza tax-xogħol attiva biex tikseb il-ħiliet ambjentali u ta’ sostenibbiltà meħtieġa u ssir familjari mal-istandards, il-prinċipji u l-prattiki moderni.
• L-għarfien u l-attraenza tal- “karrieri blu” fost l-istudenti u l-professjonisti żgħażagħ f’tentattiv biex jattiraw u jżommu talent ġdid u jiġġieldu t-tnaqqis tal-kapital uman minħabba forza tax-xogħol li qed tixjieħ