Pjan ta’ Azzjoni tal-UE: Il-protezzjoni u r-restawr tal-ekosistemi tal-baħar favur sajd sostenibbli u reżiljenti

Dan il-pjan ta’ azzjoni huwa parti mill-isforzi tal-Kummissjoni sabiex tikseb implimentazzjoni aktar konsistenti tal-politika ambjentali tal-UE u tal-politika komuni tas-sajd bit-tliet pilastri tagħha — ambjentali, ekonomiku u soċjali — tas-sostenibbiltà. Dan jipprovdi strateġija li tħares’ il quddiem dwar kif jista’ jiġi applikat aħjar l-approċċ ibbażat fuq l-ekosistema għall-ġestjoni tas-sajd u jikkomplementa l-Komunikazzjoni dwar il-funzjonament tal-politika komuni tas-sajd u l-Komunikazzjoni dwar it-Tranżizzjoni tal-Enerġija tas-settur tas-Sajd u tal-Akkwakultura tal-UE.