L-integrazzjoni tal-akkwakultura fi ħdan il-komunitajiet lokali

Din il-gwida tikkonsisti f’ħames skedi informattivi prattiċi li jipprovdu informazzjoni, ideat u eżempji ta’ kif l-FLAGs jistgħu jintegraw aħjar l-akkwakultura fiż-żona tagħhom:

• L-iskeda informattiva 1 “L-akkwakultura bħala mutur tat-tkabbir blu fiż-żoni tas-CLLD” tiddeskrivi t-tipi differenti ta’ akkwakultura preżenti fiż-żoni tal-FLAG, filwaqt li tenfasizza l-firxa wiesgħa ta’ sfidi ffaċċjati mill-akkwakultura, u l-kontribut potenzjali tas-settur għall-iżvilupp lokali.
• L-iskeda informattiva 2 “L-indirizzar tat-tħassib tal-konsumaturi u tal-ambjent fil-livell lokali” tenfasizza l-isfidi ewlenin marbuta ma’ dan it-tħassib ewlieni u l-impatti tagħhom fuq is-settur tal-akkwakultura u tipprovdi eżempji ta’ attivitajiet li l-FLAGs jistgħu jibdew jew jappoġġaw biex jindirizzaw dawn l-isfidi.
• L-iskeda informattiva 3 “Mitigazzjoni tal-kunflitti tal-utenti u l-iffaċilitar tal-parteċipazzjoni f’deċiżjonijiet lokali” tiffoka fuq l-isfidi marbuta mal-kunflitti tal-utenti li jistgħu jinqalgħu fir-rigward tal-produzzjoni tal-akkwakultura, filwaqt li tipprovdi eżempji ta’ kif l-FLAGs jistgħu jgħinu biex jiġu evitati tali kunflitti u jippermettu lill-produtturi jkollhom rwol akbar fil-proċessi tat-teħid tad-deċiżjonijiet dwar l-ippjanar spazjali lokali.
• L-iskeda informattiva 4 tiffoka fuq “Id-diversifikazzjoni tal-attivitajiet fis-settur tal-akkwakultura”, inklużi s-sistemi ċirkolati mill-ġdid, l-akkwaponika, il-produzzjoni integrata, eċċ.
• L-iskeda informattiva 5 tħares lejn id- “Diversifikazzjoni barra mis-settur tal-akkwakultura”, prinċipalment fil-qasam tat-turiżmu, iżda wkoll fl-użu ta’ prodotti sekondarji f’industriji innovattivi.