Kodiċi ta’ Kondotta għal Sajd Responsabbli

Is-sajd, inkluża l-akkwakultura, jipprovdi sors vitali ta’ ikel, impjiegi, rikreazzjoni, kummerċ u benesseri ekonomiku għan-nies madwar id-dinja, kemm għall-ġenerazzjonijiet preżenti kif ukoll għal dawk futuri u għalhekk għandu jitwettaq b’mod responsabbli. Dan il-Kodiċi jistabbilixxi prinċipji u standards internazzjonali ta’ mġiba għal prattiki responsabbli bil-ħsieb li jiġu żgurati l-konservazzjoni, il-ġestjoni u l-iżvilupp effettivi tar-riżorsi akkwatiċi ħajjin, bir-rispett dovut għall-ekosistema u l-bijodiversità. Il-kodiċi jirrikonoxxi l-importanza nutrizzjonali, ekonomika, soċjali, ambjentali u kulturali tas-sajd u l-interessi ta’ dawk kollha kkonċernati mis-settur tas-sajd. Il-kodiċi jqis il-karatteristiċi bijoloġiċi tar-riżorsi u l-ambjent tagħhom u l-interessi tal-konsumaturi u utenti oħra. L-Istati u dawk kollha involuti fis-sajd huma mħeġġa japplikaw il-Kodiċi u jagħtuh effett.