Cód Iompair d’Iascaigh Fhreagracha

Cuireann an t-iascach, lena n-áirítear dobharshaothrú, foinse ríthábhachtach bia, fostaíochta, áineasa, trádála agus folláine eacnamaíche ar fáil do dhaoine ar fud an domhain, don ghlúin atá ann faoi láthair agus do na glúine atá le teacht araon agus ba cheart, dá bhrí sin, iad a dhéanamh ar bhealach freagrach. Leagtar amach sa Chód seo prionsabail agus caighdeáin idirnáisiúnta iompraíochta maidir le cleachtais fhreagracha d’fhonn caomhnú, bainistiú agus forbairt éifeachtach beo-acmhainní uisceacha a áirithiú, agus urraim chuí á tabhairt don éiceachóras agus don bhithéagsúlacht. Aithnítear sa Chód tábhacht chothaitheach, eacnamaíoch, shóisialta, chomhshaoil agus chultúrtha na n-iascach agus leasanna na ndaoine uile a bhfuil baint acu le hearnáil an iascaigh. Cuirtear san áireamh sa Chód saintréithe bitheolaíocha na n-acmhainní agus a dtimpeallacht agus leasanna tomhaltóirí agus úsáideoirí eile. Moltar do na Stáit agus dóibh siúd uile a bhfuil baint acu le hiascaigh an Cód a chur i bhfeidhm agus éifeacht a thabhairt dó.