Komunikazzjoni tal-Kummissjoni lill-Parlament Ewropew, lill-Kunsill, lill-Kumitat Ekonomiku u Soċjali Ewropew u lill-Kumitat tar-Reġjuni dwar Pjan ta’ Azzjoni għall-Iżvilupp tal-Produzzjoni Organika

Dan il-Pjan ta’ Azzjoni (2021–2027) għandu l-għan li jaċċellera l-iżvilupp tas-settur organiku billi jagħti spinta lill-produzzjoni u l-konsum ta’ prodotti organiċi. Għalhekk, dan jgħin biex jintlaħaq objettiv ewlieni stabbilit fl-Istrateġija “Mill-Għalqa sal-Platt” u fl-Istrateġija għall-Bijodiversità: jilħaq 25 % tal-art agrikola taħt biedja organika u jżid b’mod sinifikanti l-akkwakultura organika sal-2030”. Tabilħaqq, filwaqt li l-produzzjoni tal-akkwakultura organika hija settur relattivament ġdid, għandha potenzjal sinifikanti għat-tkabbir.