Rapport tal-Kummissjoni lill-Parlament Ewropew u lill-Kunsill dwar l-implimentazzjoni tas-Sistema Komuni ta’ Monitoraġġ u Evalwazzjoni għall-Fond Ewropew għall-Affarijiet Marittimi u s-Sajd

Il-Fond Ewropew għall-Affarijiet Marittimi u s-Sajd (FEMS) appoġġa l-politiki marittimi u tas-sajd tal-UE mill-2014 sal-2020. Ġiet stabbilita sistema komuni ta’ monitoraġġ u evalwazzjoni (CMES) biex timmonitorja l-operazzjonijiet tagħha ffinanzjati taħt ġestjoni kondiviża, u tirreġistra u ssegwi l-kisbiet tagħhom. Dan huwa t-tieni rapport dwar l-implimentazzjoni tas-CMES. Huwa jiffoka fuq l-iżviluppi mir-rapport preċedenti, jistabbilixxi t-tagħlimiet meħuda matul l-implimentazzjoni, u jħares lejn kif dawn tqiesu fl-iżvilupp tal-qafas għall-Fond Ewropew għall-Affarijiet Marittimi, is-Sajd u l-Akkwakultura (FEMSA) għall-2021 sal-2027.