Strateġiji ta’ adattament tas-settur tal-akkwakultura għall-impatti tat-tibdil fil-klima

Il-ħtieġa għal adattament fis-settur tas-sajd u tal-akkwakultura u l-isfidi assoċjati huma mistennija li jiżdiedu mat-tibdil fil-klima. Dan ġie ddikjarat bi grad għoli ħafna ta’ fiduċja mill-Grupp Intergovernattiv ta’ Esperti dwar it-Tibdil fil-Klima fil-Ħames Rapport ta’ Valutazzjoni tiegħu (AR5 tal-IPCC). Ir-rapport jirreferi wkoll għall-kumplessità tal-adattament fid-deskrizzjoni ta’ disa’ fatturi restrittivi u jistabbilixxi għaxar approċċi li jikkoinċidu għall-ġestjoni tar-riskji tat-tibdil fil-klima permezz tal-adattament. Dan id-dokument janalizza l-bosta għażliet għall-akkwakultura deskritti fil-letteratura settorjali; huwa jidentifika oqsma ta’ riċerka ewlenin li jtejbu l-kapaċità tas-settur li jadatta għall-impatti tat-tibdil fil-klima u jinforma l-politika dwar l-adattament. Id-dokument jintemm b’sett ta’ suġġerimenti għall-valutazzjoni tal-miżuri ta’ adattament potenzjali u għall-implimentazzjoni tagħhom.