Straitéisí oiriúnaithe na hearnála dobharshaothraithe do thionchair an athraithe aeráide

Meastar go dtiocfaidh méadú ar an ngá atá le hoiriúnú in earnáil an iascaigh agus an dobharshaothraithe agus ar na dúshláin ghaolmhara mar gheall ar an athrú aeráide. Tá sé sin luaite le leibhéal an-ard muiníne ag an bPainéal Idir-Rialtasach ar an Athrú Aeráide ina Chúigiú Tuarascáil Mheasúnachta (IPCC AR5). Tagraítear sa Tuarascáil freisin do chastacht an oiriúnaithe sa tuairisc ar naoi dtosca srianta agus leagtar síos deich gcur chuige fhorluiteacha chun rioscaí an athraithe aeráide a bhainistiú trí oiriúnú. Déantar athbhreithniú sa doiciméad seo ar na roghanna iomadúla don dobharshaothrú a bhfuil tuairisc orthu i litríocht na hearnála; sainaithnítear ann príomhréimsí taighde a chuirfeadh feabhas ar chumas na hearnála oiriúnú do thionchair an athraithe aeráide agus a bheadh mar bhonn eolais don bheartas maidir le hoiriúnú. Críochnaíonn an doiciméad le sraith moltaí chun measúnú a dhéanamh ar bhearta oiriúnúcháin a d’fhéadfadh a bheith ann agus chun iad a chur chun feidhme.