Ir-riċerka li tantiċipa l-adattament tal-parassiti hija kruċjali għall-ġestjoni sostenibbli tal-mard fl-akkwakultura

Hekk kif is-settur tal-akkwakultura qed ikompli jespandi, x’aktarx li hemm ħtieġa dejjem akbar li jiġi miġġieled il-mard infettiv. Ix-xewqa għal riżultati rapidi u effettivi tfisser li kwalunkwe tħassib dwar l-effetti fit-tul tal-kontrolli tal-mard spiss jiġi mwarrab. B’mod partikolari, il-kapaċità dokumentata sew għall-parassiti u l-patoġeni biex jevolvu r-reżistenza għat-trattament ma tridx tiġi injorata fl-akkwakultura. Jekk industrija tixtieq tevita r-reżistenza għat-trattament, l-ewwel trid issir riċerka dwar il-bijoloġija evoluzzjonarja tal-ispeċi tal-parassiti. Riċerka bħal din
għandha tiġi inkorporata fil-fażijiet bikrija tal-iżvilupp u l-implimentazzjoni ta’ strateġija ta’ trattament — aktar ma jiġi identifikat ir-riskju ta’ reżistenza, aktar l-impatti tagħha fuq l-akkwakultura jkunu jistgħu jittaffew malajr. Din il-parti tiddiskuti qafas ta’ riċerka li jista’ jgħin biex jiggwida dan il-proċess.