PLASMAR — An Bonn a shocrú le haghaidh Pleanáil Spásúil Mhuirí Inbhuanaithe sa Mhacarainéis

Tuairisc ghairid ar an tionscadal: Ba thionscadal trí bliana é tionscadal PLASMAR arna mhaoiniú ag Ciste Forbraíochta Réigiúnaí na hEorpa tríd an gClár Oibríochtúil um Chomhar Críochach idir Maidéara, na hAsóir agus na hOileáin Chanáracha (POMAC 2014-2020), a bhí dírithe ar réitigh chliste a fhorbairt chun forbairt na n-earnálacha muirí a shioncrónú le caomhnú muirí sna hAsóir, i Maidéara agus sna hOileáin Chanáracha.

Torthaí nithiúla:  Ceapadh uirlisí, modheolaíochtaí agus próisis chun forbairt inbhuanaithe na n-earnálacha muirí sin a áirithiú. Bailíodh sonraí agus faisnéis eolaíoch, agus forbraíodh modhanna chun faireachán a dhéanamh ar an tionchar a bhíonn ag earnálacha muirí ar an gcomhshaol. Cuireadh modhanna faireacháin in oiriúint do dhálaí na Macarainéise chun staid na muirthimpeallachta agus na brúnna a eascraíonn as — agus éifeachtaí — gníomhaíochtaí muirí a chinneadh. Thángthas ar réitigh chun aigéin na Macarainéise a chaomhnú. Chomh maith leis sin, forbraíodh feidhmchlár gréasáin ar a dtugtar INDIMAR, a thacaíonn le hanailís agus cinnteoireacht.

Feidhm/ábharthacht: Bhí sé d’aidhm ag tionscadal PLASMAR modheolaíochtaí eolaíocha láidre a shainiú agus a mholadh chun tacú leis an bPleanáil Spásúil Mhuirí (MSP) agus leis an bhFás Gorm sna trí oileánra atá san áireamh i Réigiún na Macarainéise. Na príomhearnálacha lena mbaineann: dobharshaothrú, iascach, muiriompar, fuinneamh gaoithe amach ón gcósta, eastóscadh mianraí, agus turasóireacht mhuirí.