Possibbiltajiet u eżempji għat-tranżizzjoni tal-enerġija tas-setturi tas-sajd u tal-akkwakultura

Bħal fil-każ ta’ attivitajiet ekonomiċi oħra fl-UE, hemm ħtieġa dejjem akbar li s-sajd u l-akkwakultura jgħaddu u jitbiegħdu malajr kemm jista’ jkun mill-fjuwils fossili. Dan mhuwiex biss bħala kontribut għall-objettivi tal-Patt Ekoloġiku Ewropew, inkluż it-tnaqqis tal-emissjonijiet ta’ gassijiet serra, iżda wkoll għall-profittabbiltà, is-sostenibbiltà u r-reżiljenza tas-settur. Din il-ħtieġa hija aggravata aktar mill-aggressjoni militari Russa kontra l-Ukrajna, b’mod partikolari minħabba li, pereżempju, iż-żieda li tirriżulta fil-prezzijiet tal-fjuwil tad-diżil kellha impatt qawwi fuq il-prestazzjoni soċjoekonomika tal-flotta tas-sajd tal-UE. Dan id-dokument jippreżenta ħarsa ġenerali lejn l-inizjattivi magħrufa għat-tranżizzjoni tal-enerġija tal-bastimenti tas-sajd u tal-akkwakultura, sa Jannar 2023.