Approċċ ġdid għal ekonomija blu sostenibbli fl-UE — Nittrasformaw l-Ekonomija Blu tal-UE għal Futur Sostenibbli

L-ekonomija blu tal-UE, li tinkludi setturi bħas-sajd, l-akkwakultura, it-turiżmu kostali, it-trasport marittimu, l-attivitajiet tal-portijiet u l-bini tal-bastimenti, hija indispensabbli biex jintlaħqu l-objettivi ambjentali u klimatiċi tal-UE u għalhekk għandha rwol ewlieni biex tixpruna t-tranżizzjoni ekoloġika tal-UE. Huwa għalhekk li l-approċċ il-ġdid għal ekonomija blu sostenibbli fl-UE jaderixxi mal-Patt Ekoloġiku Ewropew, li jintegra l-politika dwar l-oċeani fil-politika ekonomika l-ġdida tal-Ewropa. L-approċċ jistabbilixxi aġenda dettaljata u realistika biex l-ekonomija blu jkollha rwol ewlieni fil-kisba tal-objettivi tal-Patt Ekoloġiku Ewropew. Tħabbar ukoll xi inizjattivi ġodda u tiddeskrivi wħud mill-għodod u l-faċilitaturi biex tinkiseb it-tranżizzjoni.