Id-Deċiżjoni ta’ Implimentazzjoni tal-Kummissjoni (UE) 2021/260 tal-11 ta’ Frar 2021 li tapprova miżuri nazzjonali mfassla biex jillimitaw l-impatt ta’ ċertu mard tal-annimali akkwatiċi

Id-Deċiżjoni ta’ Implimentazzjoni tal-Kummissjoni (UE) 2021/260 tal-11 ta’ Frar 2021 li tapprova miżuri nazzjonali mfassla biex jillimitaw l-impatt ta’ ċertu mard ta’ annimali akkwatiċi f’konformità mal-Artikolu 226(3) tar-Regolament (UE) 2016/429 tal-Parlament Ewropew u tal-Kunsill u li tħassar id-Deċiżjoni tal-Kummissjoni 2010/221/UE

Din id-deċiżjoni ta’ implimentazzjoni tapprova l-miżuri nazzjonali mmirati biex jillimitaw l-impatt ta’ ċertu mard li jaffettwa l-annimali akkwatiċi li ġew adottati mill-Istati Membri jew minn partijiet minn dawk l-Istati Membri f’konformità mar-Regolament (UE) 2016/429 (il-Liġi dwar is-Saħħa tal-Annimali).