Il-liġi dwar is-Saħħa tal-Annimali (UE) 2016/429

Il-mard trażmissibbli tal-annimali jista’ jkollu impatt kbir fuq is-saħħa pubblika u s-sikurezza tal-ikel, kif ukoll fuq l-ambjent u l-bijodiversità. Huwa għalhekk li l-UE stabbiliet regoli dwar is-saħħa tal-annimali fil-livell tal-Unjoni. Dawn ir-regoli jiffukaw fuq il-mard trażmissibbli tal-annimali terrestri u akkwatiċi biex jiġu żgurati standards għoljin tas-saħħa tal-annimali u tas-saħħa pubblika fl-Unjoni u l-iżvilupp razzjonali tas-setturi tal-agrikoltura u tal-akkwakultura. Dan ir-Regolament (UE) 2016/429 jinkludi wkoll regoli u rekwiżiti li jikkonċernaw l-istabbilimenti tal-akkwakultura, il-movimenti ta’ annimali akkwatiċi fl-Unjoni u d-dħul fl-Unjoni ta’ annimali akkwatiċi minn pajjiżi mhux tal-UE.