Ir-Regolament ta’ Implimentazzjoni tal-Kummissjoni (UE) 2020/2235 tas-16 ta’ Diċembru 2020 li jistabbilixxi regoli għall-applikazzjoni tar-Regolamenti (UE) 2016/429 u (UE) 2017/625 tal-Parlament Ewropew u tal-Kunsill

Ir-Regolament ta’ Implimentazzjoni tal-Kummissjoni (UE) 2020/2235 tas-16 ta’ Diċembru 2020 li jistabbilixxi regoli għall-applikazzjoni tar-Regolamenti (UE) 2016/429 u (UE) 2017/625 tal-Parlament Ewropew u tal-Kunsill fir-rigward ta’ mudelli taċ-ċertifikati tas-saħħa tal-annimali, mudelli taċ-ċertifikati uffiċjali u mudelli taċ-ċertifikati tas-saħħa tal-annimali/uffiċjali, għad-dħul fl-Unjoni u l-movimenti fl-Unjoni ta’ kunsinni ta’ ċerti kategoriji ta’ annimali u oġġetti

Dan ir-regolament ta’ implimentazzjoni relatat mar-Regolamenti (UE) 2016/429 (il-Liġi dwar is-Saħħa tal-Annimali) u 2017/625 jipprovdi mudelli differenti ta’ ċertifikati uffiċjali tas-saħħa tal-annimali. Dawn jinkludu, pereżempju, il-mudelli taċ-ċertifikati li fihom ir-rekwiżiti tas-saħħa tal-annimali li japplikaw meta ċerti annimali akkwatiċi maħsuba għall-konsum mill-bniedem jidħlu fl-Unjoni; jew mudelli ta’ ċertifikati għal movimenti intra-Unjoni ta’ prodotti li joriġinaw mill-annimali prodotti u pproċessati fi stabbilimenti, negozji tal-ikel jew żoni soġġetti għal miżuri ta’ emerġenza jew restrizzjonijiet fuq il-moviment.