Regolament tal-Kunsill (UE) 2020/1706 tat-13 ta’ Novembru 2020 li jiftaħ u jipprevedi l-ġestjoni ta’ kwoti tariffarji awtonomi tal-Unjoni għal ċerti prodotti tas-sajd għall-perjodu 2021–2023

Kull 3 snin, l-UE tistabbilixxi kwoti tariffarji awtonomi (ATQs) għal ċerti ħut u prodotti tal-ħut. ATQ tippermetti li ċerta kwantità ta’ prodott jiġi importat fl-UE b’rata tariffarja mnaqqsa, li tgħin biex tiżdied il-provvista tal-materja prima li l-industrija tal-ipproċessar tal-UE tiddependi fuqha, fi żminijiet meta l-provvista tal-UE ma tkunx għolja biżżejjed biex tissodisfa d-domanda. Dan id-dokument jistabbilixxi l-ATQs għall-perjodu 2021–2023.