L-akkwakultura tal-UE, analiżi ekonomika

Dan id-dokument jiġbor fil-qosor ir-riżultati ewlenin tar-Rapport Ekonomiku tal-2018 tas-Settur tal-Akkwakultura tal-UE, li jipprovdi ħarsa ġenerali komprensiva lejn l-aħħar informazzjoni disponibbli dwar il-produzzjoni, il-valur ekonomiku, l-istruttura u l-prestazzjoni kompetittiva tas-settur tal-akkwakultura fil-livelli nazzjonali u tal-UE għas-snin 2008 sal-2016. Ir-rapportar tal-akkwakultura tal-ilma ħelu mhuwiex obbligatorju skont il-Qafas għall-Ġbir tad-Data (DCF). B’konsegwenza ta’ dan, xi Stati Membri ma jirrappurtawx din id-data. Meta jkun possibbli, iċ-ċifri għas-settur tal-akkwakultura ġenerali tal-UE huma stmati. Ir-rapport jikkontribwixxi għall-monitoraġġ tal-iżviluppi tas-settur tal-akkwakultura tal-UE f’termini tal-ispeċijiet ewlenin prodotti u x-xejriet ekonomiċi tiegħu.