Forum dwar il-Bijoekonomija Blu (BBF)

Il-BBF kien proġett ta’ sena ffinanzjat mill-Fond Ewropew għall-Affarijiet Marittimi u s-Sajd (FEMS), li kellu l-għan li jiżviluppa fehim komuni tal-istatus attwali tal-bijoekonomija blu fl-Ewropa u li jidentifika b’mod kollettiv l-iżviluppi strateġiċi, l-opportunitajiet tas-suq, l-assistenza finanzjarja xierqa, l-azzjonijiet regolatorji u l-prijoritajiet tar-riċerka.

Riżultati tanġibbli: Il-BBF fassal u żviluppa pjan direzzjonali tal-bijoekonomija blu fi sforz konġunt mal-membri ta’ Tmexxija tiegħu, il-gruppi ta’ ħidma tematiċi, u l-involviment attiv tal-komunità usa’ tal-ekonomija blu (il-Forum). Il-pjan direzzjonali jidentifika total ta’ 14 sfida tal-bijoekonomija blu u jifformula soluzzjonijiet biex dawn jiġu indirizzati.

Applikazzjoni/rilevanza: Il-pjan Direzzjonali jipprovdi kontribut għall-kompetittività futura tal-industrija, billi jappoġġa lill-partijiet ikkonċernati ewlenin biex jifhmu aħjar il-ħtiġijiet regolatorji, tar-riċerka, tal-assistenza finanzjarja u tal-prodotti futuri tas-suq; jidentifikaw lakuni kritiċi bejn dak li jeżisti u dak li huwa meħtieġ; u tiddefinixxi l-azzjonijiet fuq terminu qasir, medju u twil li huma meħtieġa biex jiġi sfruttat il-potenzjal tas-settur.