Staastar (sorveljanza tal-irziezet tal-Akkwakultura b’networks ta’ sensuri ta’ taħt l-ilma)

Deskrizzjoni fil-qosor tal-proġett: Staastar kien proġett ta’ sentejn iffinanzjat mill-Fond Ewropew għall-Affarijiet Marittimi u s-Sajd (FEMS), immirat biex jisfrutta t-Teknoloġiji innovattivi tal-Internet tal-Oġġetti ta’ Taħt l-Ilma u jintegrahom ma’ sensuri żgħar li jintlibsu tal-aħħar ġenerazzjoni li għandhom jitqiegħdu fuq kull ħuta.

Riżultati tanġibbli: Il-proġett bena sistema li hija infrastruttura taħt l-ilma kompletament innovattiva. L-arkitettura ta’ din is-sistema hija bbażata fuq 4 pilastri: W-Node, W-Gateway, W-Cloud u W-Pico. Barra minn hekk, il-proġett ikkontribwixxa għad-definizzjoni tal-istandard Aquacloud 2.0 u għall-implimentazzjoni sħiħa tiegħu, li jippermetti l-integrazzjoni tad-data tas-sensuri minn azjendi agrikoli u manifatturi tas-sensuri differenti fis-sistema ta’ monitoraġġ.

Applikazzjoni/rilevanza: Din is-sistema, għall-ewwel darba, se tippermetti lill-pixxikulturi jimmonitorjaw is-saħħa ta’ kull ħuta mill-bogħod, f’ħin reali, u jiġbru data rilevanti (kwalità tal-ilma u integrità strutturali fil-gaġeġ) għal valutazzjoni tar-riskju, tbassir u ġestjoni preċiżi. Staastar jindirizza n-nuqqas ta’ diġitalizzazzjoni sħiħa fis-settur, li ġġiegħel lill-operaturi tal-akkwakultura jwettqu kompiti ta’ kuljum u attivitajiet ta’ monitoraġġ manwalment jew b’interventi in situ għaljin.