Braislí muirí mar chumasóir nuálach do Gheilleagar Gorm Inbhuanaithe sa Mheánmhuir — Tionscadail shuaitheanta réigiúnacha lena dtacaítear leis an ngeilleagar gorm inbhuanaithe in imchuacha farraige an Aontais (EMFAF-2023-PIA-FLAGSHIP)

Is é cuspóir foriomlán na topaice seo líonra éifeachtach braislí muirí a chothú ar fud na Meánmhara chun tacú le fiontair mheánmhéide, bheaga agus micrifhiontair sa gheilleagar gorm.
Is é is aidhm don ábhar seo rannchuidiú le Sprioc 2, ‘Geilleagar gorm cliste athléimneach’ de chuid Thionscnamh WestMED (Tosaíocht 2.2. ‘Forbairt Braislí Muirí’), trí fhorbairt a dhéanamh ar bhraislí atá ag comhoibriú faoi láthair (e.g. Comhghuaillíocht Bhraislí WestMED) nó ar chomhaontuithe comhair agus gníomhaíochtaí comhchosúla sa réigiún arna bhforbairt ag líonraí an Aontais le haghaidh beartas tionsclaíoch, comhar idir-réigiúnach agus comhtháthú FBManna i slabhraí luacha an Aontais agus i slabhraí luacha domhanda.

Dírítear leis an ábhar seo ar bhraislí muirí náisiúnta nua a bhunú agus ar chomhar a fheabhsú idir braislí an Tuaiscirt agus an Deiscirt ar fud na Meánmhara agus i measc braislí, FBManna, an lucht acadúil agus ionaid taighde, gníomhaithe institiúideacha agus institiúidí airgeadais. Tá sé d’aidhm aige freisin feabhas a chur ar rannpháirtíocht braislí muirí i gceapadh beartas ar an leibhéal réigiúnach/náisiúnta, go háirithe maidir le straitéisí um speisialtóireacht chliste a shainiú/a uasghrádú.