Oiliúint a chur ar ghlúin nua Taighdeoirí i nDobharshaothrú Feamainne amach ón gCósta chun Ceimiceáin Ardluacha a Chur ar Fáil (SEACHEM)

Tuairisc ghairid ar an tionscadal: Is tionscadal ceithre bliana é SEACHEM a mhaoinítear le Fís Eorpach, arb é is aidhm dó oiliúint ardleibhéil a chur ar fáil i saothrú agus luachshocrú feamainne amach ón gcósta do ghlúin nua de 10 n-iarrthóir dochtúireachta a bhfuil ardchumas acu (DC) agus na scileanna inaistrithe agus eolaíocha is gá le haghaidh gairmeacha rathúla i limistéar borrtha an tsaothraithe agus na húsáide bithmhaise nach bhfuil bunaithe ar thalamh a thabhairt dóibh. 

An toradh a bhfuil súil leis: Áirítear ar phríomhthorthaí an tionscadail clár oiliúna idirnáisiúnta a chur chun feidhme, lena gcuimsítear 6 chomhpháirtí idirearnála (5 chomhpháirtí acadúla, 2 chomhpháirtí neamhacadúla) i gceithre thír, atá dírithe ar fhorbairtí nuálacha teicneolaíochta i raon réimsí idirdhisciplíneacha amhail innealtóireacht tógála, eolaíocht ábhar, (micri)bhitheolaíocht, innealtóireacht (bhith)cheimiceach, biteicneolaíocht chomhshaoil agus meaisínfhoghlaim.

Feidhm/ábharthacht: Cuireann SEACHEM deiseanna nuálacha ar fáil i dtáirgeadh feamainne amach ón gcósta don ghá méadaitheach atá le táirgeadh costéifeachtach, in-athnuaite agus inbhuanaithe ceimiceán ardluacha do thionscal an bhia, na sláinte, an chúraim phearsanta agus na gceimiceán.