Réiteach Néalríomhaireachta IoT a dhearadh le haghaidh Dobharshaothraithe

Tá athrú ag teacht ar an bhfeirmeoireacht tríd an iliomad claochluithe teicneolaíochta le blianta beaga anuas, i gcomhthráth le daonra agus éilimh an domhain atá ag dul i méid. Cuireann Idirlíon na Rudaí Nithiúla (IoT) nuálaíochtaí teicneolaíochta iontacha ar fáil maidir leis an bhfeirmeoireacht trí pharaidím nua a thabhairt isteach. Is earnáil bia atá ag fás go tapa é an dobharshaothrú i bhfionnuisce nó i sáile chun plandaí nó ainmhithe uisceacha a tháirgeadh. Is féidir le Idirlíon na Rudaí Nithiúla réitigh spreagúla a chruthú freisin ar na fadhbanna a bhaineann le córais dobharshaothraithe a chur chun feidhme agus a chothabháil. Sa pháipéar seo, cuirimid cás úsáide i láthair le néalréiteach IoT tar éis dúinn achoimre a dhéanamh ar na teicneolaíochtaí agus na huirlisí a d’fhéadfaí a úsáid i gcomhréir le fadhb an cháis úsáide mar a sainaithníodh i dTionscadal Fís 2020, an córas bainistíochta cliste don dobharshaothrú iltrófach comhtháite (IMPAQT) ina raibh muid rannpháirteach.