Tionchar eacnamaíoch leathnú an dobharshaothraithe: Cur chuige ionchuir-aschuir

Cé gur féidir tionchair dhearfacha eacnamaíocha a bheith ag leathnú an táirgthe dobharshaothraithe, faoi choinníollacha áirithe, is féidir tionchar diúltach a bheith ag an dobharshaothrú ar an gcomhshaol freisin. Is gá, dá bhrí sin, tuiscint a fháil ar thionchair eacnamaíocha iomlána leathnú an dobharshaothraithe chun cinntí eolasacha a dhéanamh agus cúinsí eacnamaíocha á meá in aghaidh ábhair imní chomhshaoil. Cuirtear san áireamh sa pháipéar seo na tionchair eacnamaíocha níos leithne, go díreach agus go hindíreach araon, a bhaineann le leathnú thionscal dobharshaothraithe na hÉireann. Tríd an earnáil dobharshaothraithe a dhí-chomhiomlánú ó thábla ionchuir-aschuir na hÉireann 2010 agus trí mhaitrís inbhéartach Leontief a thagann as sin a ríomh, déantar roinnt iolraitheoirí eacnamaíocha d’earnáil an dobharshaothraithe a mheas agus a úsáid chun tionchair indíreacha fhéideartha an leathnaithe a ríomh. Úsáidtear na hiolraitheoirí sin ansin chun meastachán a dhéanamh ar na tionchair eacnamaíocha a bhaineann leis na spriocanna a leagtar amach i bplean straitéiseach náisiúnta na hÉireann um dhobharshaothrú inbhuanaithe a foilsíodh le déanaí a bhaint amach, agus béim á leagan ar an bhféidearthacht go gcuirfeadh leathnú den sórt sin leis an ngeilleagar tuaithe.