Timpeallachtaí Taighde a Thógáil chun Nuálaíocht, Cinnteoireacht, Rialachas agus Oideachas a chothú chun tacú leis an bhfás gorm (BlueBRIDGE)

Tionscadal dhá bhliain go leith a bhí in BlueBRIDGE a cistíodh le Fís 2020 an Aontais, a raibh sé d’aidhm aige iomaíochas agus feidhmíocht eacnamaíoch earnáil fáis Ghoirm na hEorpa a fheabhsú, trí sheirbhísí saincheaptha Bainistíochta Sonraí a chur ar fáil don Dobharshaothrú, don Phleanáil Spásúil Mhuirí, don Iascach agus don Oideachas.

Torthaí nithiúla: D’fhorbair an tionscadal 66 ardán gréasánbhunaithe, ar a dtugtar ‘Timpeallachtaí Taighde Fíorúla’ (VREnna), a thugann rochtain ar shonraí agus ar sheirbhísí saincheaptha lena dtugtar tuiscint níos fearr ar na timpeallachtaí muirí agus mara, ar a mbeo-acmhainní, agus ar gheilleagair. Chuir an tionscadal tuarascáil ar fáil freisin maidir le dea-chleachtais agus anailís ar fheidhmíocht shocheacnamaíoch maidir le dobharshaothrú.

Feidhm/ábharthacht: Cuireann na VREnna sin rochtain shlán ar fáil d’úsáideoirí ó dhisciplíní, institiúidí nó tíortha éagsúla, ar uirlisí, seirbhísí, sonraí agus saoráidí ríomhaireachta comhoibríocha a fhreastalaíonn ar a riachtanais shonracha. Ina theannta sin, leis na dea-chleachtais forbartha, méadaíodh an t-eolas agus tacaíodh le fothú acmhainneachta chun borradh a chur faoin earnáil Fáis Ghoirm.