Rialachán Cur Chun Feidhme (AE) 2021/405 ón gCoimisiún an 24 Márta 2021 maidir le liostaí tíortha nó réigiún údaraithe do theacht isteach san Aontas d’ainmhithe agus earraí áirithe atá beartaithe le haghaidh tomhaltais dhaonna.

Rialachán Cur Chun Feidhme (AE) 2021/405 ón gCoimisiún an 24 Márta 2021 lena leagtar síos na liostaí de thríú tíortha nó réigiúin sna tíortha sin a údaraítear i dtaobh ainmhithe agus earraí áirithe a bheartaítear lena gcaitheamh ag an duine a theacht isteach san Aontas i gcomhréir le Rialachán (AE) 2017/625 ó Pharlaimint na hEorpa agus ón gComhairle

Leis an rialachán cur chun feidhme seo, soláthraítear liosta de thríú tíortha nó réigiúin sna tíortha sin óna gceadaítear coinsíneachtaí ainmhithe agus earraí áirithe a bheartaítear lena gcaitheamh ag an duine a theacht isteach san Aontas i gcomhréir le Rialachán (AE) 2017/625. Go háirithe, liostaítear in Iarscríbhinn VIII tríú tíortha nó réigiúin sna tíortha sin a údaraítear i dtaobh coinsíneachtaí de mhoilisc dhébhlaoscacha, eicínideirmigh, túinicigh agus gastrapóid mhuirí bheo, fhuaraithe, reoite nó phróiseáilte a theacht isteach san Aontas, agus liostaítear in Iarscríbhinn IX na tíortha sin a bhaineann le táirgí iascaigh áirithe.