Forléargas ar thionscal na n-algaí san Eoraip

Is féidir le táirgeadh agus úsáid fheabhsaithe algaí san Aontas cabhrú le córais bhia agus feirmeoireachta inbhuanaithe, ciorclaíocht eacnamaíoch agus táirgí bithbhunaithe a áirithiú. Aithnítear sa Teachtaireacht maidir leis an nGeilleagar Gorm Inbhuanaithe agus in ionstraimí beartais eile an acmhainneacht sin a bhaineann le halgaí chun bia agus ábhair bheatha mhalartacha atá inmharthana agus inbhuanaithe a sholáthar agus chun táirgí bithbhunaithe eile a tháirgeadh. Le bunachar sonraí nuashonraithe JRC maidir le tionscal algaí, tugtar forléargas feabhsaithe ar earnáil thionscal na n-algaí san Eoraip bunaithe ar fhaisnéis ó 548 bhfiontar, atá bunaithe in 20 Ballstát den Aontas agus san Íoslainn, san Iorua, san Eilvéis agus sa Ríocht Aontaithe atá ag feidhmiú ag céimeanna éagsúla den slabhra luacha algaí: táirgeadh, próiseáil agus seirbhísí (lena n-áirítear soláthraithe teicneolaíochta, fiontair T & F, fiontair chomhairleoireachta, agus trádálaithe/onnmhaireoirí).