Ir-Regolament ta’ Implimentazzjoni tal-Kummissjoni (UE) 2021/2037 tat-22 ta’ Novembru 2021 li jistabbilixxi r-regoli għall-applikazzjoni tar-Regolament (UE) 2016/429 tal-Parlament Ewropew u tal-Kunsill

Ir-Regolament ta’ Implimentazzjoni tal-Kummissjoni (UE) 2021/2037 tat-22 ta’ Novembru 2021 li jistabbilixxi r-regoli għall-applikazzjoni tar-Regolament (UE) 2016/429 tal-Parlament Ewropew u tal-Kunsill fir-rigward tal-eżenzjonijiet mill-obbligi għar-reġistrazzjoni tal-istabbilimenti tal-akkwakultura u ż-żamma tar-rekords tal-operaturi

Ir-Regolament (UE) 2016/429 jistabbilixxi r-regoli li jikkonċernaw l-obbligu tal-operaturi li jirreġistraw l-istabbilimenti tal-akkwakultura u l-obbligi taż-żamma tar-rekords għall-operaturi tal-istabbilimenti tal-akkwakultura u għat-trasportaturi tal-annimali akkwatiċi. Dan ir-Regolament ta’ Implimentazzjoni (UE) 2021/2037 jistabbilixxi regoli ta’ implimentazzjoni dwar it-tipi ta’ stabbilimenti tal-akkwakultura, li jistgħu jiġu eżentati mill-Istati Membri mir-rekwiżit li jiġu rreġistrati, minħabba li joħolqu riskju insinifikanti ta’ tixrid ta’ mard elenkat jew emerġenti. Jistabbilixxi wkoll regoli ta’ implimentazzjoni dwar it-tipi ta’ stabbilimenti tal-akkwakultura u trasportaturi ta’ annimali akkwatiċi li jistgħu jiġu eżentati mill-Istati Membri, mir-rekwiżit li jżommu ċerti tipi ta’ rekords.