Rialachán cur chun feidhme (AE) 1418/2013 ón gCoimisiún maidir le pleananna táirgthe agus margaíochta i dtaca le comheagrú na margaí i dtáirgí iascaigh agus dobharshaothraithe

Leis an rialachán cur chun feidhme seo a bhaineann le Rialachán (AE) Uimh. 1379/2013, sonraítear formáid agus struchtúr na bpleananna táirgthe agus margaíochta ba cheart d’eagraíochtaí táirgeoirí a chur faoi bhráid a n-údarás inniúil náisiúnta, chomh maith leis na teorainneacha ama agus na nósanna imeachta le haghaidh na bpleananna tíolactha. Is é is aidhm dó cur chun feidhme aonchineálach na bpleananna táirgthe agus margaíochta ag gach eagraíocht táirgeoirí a éascú.