Ir-Regolament tal-Kunsill (KE) Nru 1099/2009 dwar il-protezzjoni tal-annimali waqt il-qatla

Dan ir-Regolament (KE) Nru 1099/2009 jistabbilixxi r-regoli għall-qtil ta’ annimali mrobbija jew miżmuma għall-produzzjoni ta’ ikel, suf, ġilda jew pil jew għal skopijiet oħra ta’ biedja, kif ukoll il-qtil ta’ annimali għall-fini ta’ depopolazzjoni. Għall-ħut imrobbi, ir-Regolament fih biss rekwiżiti ġenerali, bħal dawk stabbiliti fl-Artikolu 3(1) li japplikaw għall-qtil tal-ħut.