Seoladh an fheachtais cumarsáide maidir leis an dobharshaothrú

Tá imeacht á eagrú ag an gCoimisiún Eorpach an 25 Márta sa Bhruiséil do sheoladh an fheachtais ‘Dobharshaothrú an Aontais: Táimid ag obair ar do shon le paisean '. Cuirfear tús leis an ócáid le réamhrá ó Costas Kadis, an Coimisinéir Eorpach um Iascach agus Aigéin. Áireofar san imeacht teistiméireachtaí ó tháirgeoirí dobharshaothraithe ón nGearmáin, ón nGréig agus ón bPolainn, miondíoltóir, agus plé ar ‘Tábhacht an dobharshaothraithe don AE’, a mbeidh ionadaithe institiúidí an AE agus na mBallstát páirteach ann. Is é Delilah Al Khudhairy, Stiúrthóir an Bheartais Mhuirí agus an Gheilleagair Ghoirm in Ard-Stiúrthóireacht na nGnóthaí Muirí agus na hIascaireachta (AS MARE), a thabharfaidh an t-imeacht chun críche. Tar éis an imeachta, déanfar blaiseadh de tháirgí dobharshaothraithe an Aontais. Is ar chuireadh amháin a ghlacfar páirt san imeacht, ach déanfar é a shruthú ar an ngréasán.