Doiciméad Inmheánach Oibre de chuid an Choimisiúin maidir le cur i bhfeidhm na Creat-Treorach Uisce agus na Treorach Réime um Straitéis Mhuirí (MSFD) i ndáil le dobharshaothrú

Is é is aidhm fhoriomlán don doiciméad seo treoir phraiticiúil a chur ar fáil lena n-éascófar cur chun feidhme na Treorach Réime maidir le hUisce agus na Treorach Réime um Straitéis Mhuirí i gcomhthéacs fhorbairt an dobharshaothraithe inbhuanaithe. Go sonrach:
— dea-chleachtas rialála agus moltaí a chur ar fáil d’údaráis náisiúnta maidir le ceanglais na dTreoracha i ndáil le dobharshaothrú, chun a gcur chun feidhme a éascú;
— dea-chleachtas tionscail agus moltaí a chur ar fáil do tháirgeoirí dobharshaothraithe maidir leis an méid a bhfuiltear ag súil leis uathu agus maidir leis an méid ar féidir leo a bheith ag súil leis ó chur chun feidhme na dTreoracha;
— faisnéis a sholáthar faoi inbhuanaitheacht tháirgeadh dobharshaothraithe an Aontais agus faoin gcaoi a gcomhlíonann sé reachtaíocht chomhshaoil ábhartha an Aontais.