Treoraíocht maidir le dobharshaothrú agus Natura 2000: Gníomhaíochtaí dobharshaothraithe inbhuanaithe i gcomhthéacs Líonra Natura 2000

Is é is aidhm don doiciméad seo treoir a chur ar fáil lena n-éascófaí eolas agus cur chun feidhme reachtaíocht an Aontais atá mar bhonn taca faoi Natura 2000 i ndáil le gníomhaíochtaí dobharshaothraithe. Díríonn na treoirlínte go príomha ar chur chun feidhme fhorálacha Airteagail 6(3) agus 6(4) den Treoir maidir le Gnáthóga (measúnú iomchuí ar phleananna agus ar thionscadail) agus tá siad ceaptha chun rannchuidiú le tuiscint níos fearr a fháil ar chuspóirí caomhnaithe na láithreán, agus dea-chleachtais á gcur chun cinn lena léirítear conas is féidir le forálacha cosanta dúlra a bheith comhoiriúnach le forbairt an dobharshaothraithe inbhuanaithe. Ullmhaíodh an doiciméad i ndlúthchomhar le hionadaithe ón earnáil dobharshaothraithe, le saineolaithe, le húdaráis phoiblí agus le heagraíochtaí neamhrialtasacha trí Mheitheal thiomnaithe de chuid an Choimisiúin. Tá sé dírithe ar threoir a chur ar fáil go príomha d’oibreoirí dobharshaothraithe agus d’údaráis phoiblí, agus do pháirtithe leasmhara eile (e.g. bainisteoirí láithreáin, eagraíochtaí neamhrialtasacha, an pobal) lena mbaineann.