MULTI-STR3AM

Deskrizzjoni fil-qosor tal-proġett: MULTI-STR3AM huwa proġett ta’ ħames snin iffinanzjat minn Orizzont 2020, li għandu l-għan li jipprovdi prodotti mikroalgi ta’ valur għal utenti finali kbar fis-setturi tal-ikel, tal-għalf u tal-fwieħa billi jnaqqas l-ispejjeż, iżid l-iskala u jagħti spinta lis-sostenibbiltà.

Riżultati mistennija: Ir-riżultati ewlenin tal-proġett jinkludu l-produzzjoni ta’ komponenti għal diversi materjali, inkluż għall-ikel u l-għalf, mill-mikroalgi. Il-prodotti tiegħu se jinkludu lipidi għal pejsts li jittieklu, proteini, karboidrati u lipidi għall-ingredjenti tal-għalf għall-pollam, il-ħnieżer u r-ruminanti, u proteini u komposti organiċi żgħar bħala elementi kostitwenti għall-industrija tal-fwieħa. 

Applikazzjoni/rilevanza: Il-proġett se jwitti t-triq għal kultivazzjoni sostenibbli tal-mikroalgi fuq skala industrijali, lejn futur sostenibbli għall-industriji Ewropej b’bażi bijoloġika.