Nuálaíocht Inbhuanaithe i La Martinique: Réitigh Bhithsmálaithe le haghaidh Fuinneamh Glan (SIMBIOSE)

Tionscadal trí bliana a bhí in SIMBIOSE arna chistiú ag an gCiste Eorpach Muirí agus Iascaigh (CEMI), a raibh sé mar aidhm leis réitigh theicneolaíocha atá neamhdhíobhálach don chomhshaol a sholáthar chun feabhas a chur ar fheidhmíocht ghléasraí an Tiontaithe Fuinnimh Theirmigh Aigéin (OTEC), atá in ann fuinneamh in-athnuaite a sholáthar i réigiúin thrópaiceacha agus úsáid á baint as an difríocht sa teocht idir uisce te agus fuaruisce.

Torthaí nithiúla: Ag tógáil ar thionscadal roimhe seo (MARLIN, arna mhaoiniú ag ADEME sa Fhrainc), dhírigh SIMBIOSE ar dhá réiteach cóireála bithsmálaithe: leictreachlóiríniú agus ózónú. Tá na paraiméadair is fearr le haghaidh gach cóireála sainithe ag an tionscadal chun an tionchar is ísle dá n-úsáid ar an gcomhshaol a áirithiú. Rinneadh meastóireacht ar an tríú réiteach atá níos nuálaí freisin trí úsáid a bhaint as bithpholaiméirí a dhíorthaítear ó bhaictéir mhuirí, atá le comhcheangal le hózónú agus leictreachlóirniú araon chun éifeachtúlacht a mhéadú.

Feidhm/ábharthacht: Rannchuidíonn na réitigh a forbraíodh laistigh den tionscadal le feidhmíocht fuinnimh malartóirí teasa a fheabhsú agus brabúsacht foinsí fuinnimh in-athnuaite neamhthuilleamaíocha a chinntiú do phobail oileánacha.