Trealamh bithbhunaithe mar réitigh chun earnáil dobharshaothraithe amach ón gcósta atá neamhdhíobhálach don chomhshaol a chruthú, i gcur chuige iltrófach, agus slabhraí luacha bithbhunaithe nua (BIOGEARS)

Tionscadal trí bliana a bhí in BIOGEARS arna chistiú ag an gCiste Eorpach Muirí agus Iascaigh (CEMI), a raibh sé mar aidhm leis rópaí bithbhunaithe a sholáthar d’earnáil dobharshaothraithe na hEorpa atá marthanach, indíolta agus oiriúnach don fheidhm le haghaidh táirgeadh diúilicíní agus feamainne, agus lorg carbóin an-laghdaithe a bheith aici feadh an tslabhra luacha iomláin.

Torthaí nithiúla: D’éirigh leis an tionscadal bithghiaranna fréamhshamhlacha (rópaí inmhúirínithe bithbhunaithe) a fhorbairt agus a thástáil ar bhonn píolótach i dtrialacha mara ar feadh bliana, agus faireachán á dhéanamh ar a bhfeidhmíocht i gcultúr diúilicíní trí anailís theicniúil, eacnamaíoch agus chomhshaoil.

Feidhm/ábharthacht: Bíonn tionchar dearfach ag forbairt rópaí atá níos neamhdhíobhálaí don chomhshaol ar inbhuanaitheacht thionscal an dobharshaothraithe. Tá tionchar dearfach socheacnamaíoch aige freisin ós rud é go dtacaíonn sé leis an ngeilleagar ciorclach agus go gcothaíonn sé fostaíocht nua, táirgí ardcháilíochta agus táirgeadh agus tomhaltas freagrach.