Meastóireacht agus measúnú tionchair ar an gcreat státchabhrach in earnáil an iascaigh agus an dobharshaothraithe

Agus an Ciste Eorpach Muirí agus Iascaigh (CEMI) agus FIBER chomh maith leis an Rialachán Iascaigh de minimis ag teacht chun deiridh in 2020, is gá meastóireacht a dhéanamh ar fheidhmíocht an chreata Státchabhrach atá ann faoi láthair, agus ceachtanna a fhoghlaim don todhchaí. Tá CEMI nua molta ag an gCoimisiún, agus d’fhéadfadh sé gur ghá an creat Státchabhrach a bheidh ann amach anseo a ailíniú agus a oiriúnú dó agus do thosaíochtaí coiteanna an Aontais, go háirithe an Comhbheartas Iascaigh. Déantar meastóireacht sa staidéar seo ar an gcreat Státchabhrach atá ann faoi láthair agus déantar measúnú ar roinnt roghanna beartais don chreat a bheidh ann amach anseo.