Is-suq tal-Ħut tal-UE, Edizzjoni tal-2021

“Is-suq tal-ħut tal-UE” għandu l-għan li jipprovdi deskrizzjoni ekonomika tal-industrija Ewropea kollha tas-sajd u tal-akkwakultura, abbażi tad-data disponibbli minn Ġunju 2021. Hija twieġeb għal mistoqsijiet bħal dak li jiġi prodott/esportat/importat, meta u fejn, x’inhu kkunsmat, minn min u x’inhuma x-xejriet ewlenin. Analiżi komparattiva tippermetti li tiġi vvalutata l-prestazzjoni tal-prodotti tas-sajd u tal-akkwakultura fis-suq tal-UE meta mqabbla ma’ prodotti oħra tal-ikel. F’dan ir-rapport, il-varjazzjonijiet fil-valur u fil-prezzijiet għal perjodi itwal minn ħames snin jiġu analizzati permezz tad-deflazzjoni tal-valuri bl-użu tad-deflatur tal-PDG (bażi = 2015); għal perjodi iqsar, jiġu analizzati l-valur nominali u l-varjazzjonijiet fil-prezzijiet.