Táirgtear táirgí dobharshaothraithe an Aontais de réir ardchaighdeáin cháilíochta agus inbhuanaitheachta toisc go bhfuil corpas mór reachtaíochta de chuid an Aontais i bhfeidhm lena gcumhdaítear saincheisteanna éagsúla nach mór do tháirgeoirí dobharshaothraithe a chomhlíonadh (e.g. reachtaíocht maidir le sláinte ainmhithe, leas ainmhithe, sábháilteacht bia, sábháilteacht beatha, cóireálacha tréidliachta, cáilíocht uisce, reachtaíocht maidir le speicis neamhdhúchasacha nó speicis nach bhfaightear go háitiúil a thabhairt isteach, etc).